Monthly Archive: July 2011

Jul 28

ཆེས་སྤྱིར་བཏང་གི་བསམ་བློ་གཏོང་སྟངས་ཤིག

ངའི་བསམ་བློ་གཏོང་སྟངས་ནི་ཆེས་སྤྱིར་བཏང་བ་ཞིག་ཡིན་མོད།  ཅིག་བྱས་ན་ལེགས་ཆ་རེ་ཡང་ཡོད་མི་སྲིད་པ་མིན་པས་བསམ་ཚུལ་ལྷུག་པོར་འབྲི་འདོད་བྱུང་།   དེ་ཡང་ཀླུ་སྨྱོན་ཧེ་རུ་ཀས་བོན་ཆོས་རྙེད་པའི་བརྒྱུད་རིམ་ཞེས་པ་བཀླགས་པའི་ཚོར་སྣང་ཙམ་ཞིག་ཡིན། __ནང་པ་སངས་རྒྱས་པའི་གྲུབ་མཐའ་བཞི་དང་།  གཡུང་དྲུང་བོན་གྱི་བསྟན་པ་རིན་པོ་ཆེ་ལྟ་ཅི་སྨོས།  ཕྱི་རོལ་གྱི་གྲུབ་མཐའ་ཐ་དད་པ་དང༌།  ཐ་ན་བཟོའི་གནས་ལ་སོགས་པ་རིག་པའི་འཇུག་སྒོ་མ་ལུས་པ་རྣམས་ཀྱང་སངས་རྒྱས་བཅོམ་ལྡན་འདས་ཉིད་ཀྱི་ཡེ་ཤེས་ལས་བྱུང་བའི་འཕྲིན་ལས་ཀྱི་རྣམ་འགྱུར་ཙམ་དུ་ནི་ངོས་འཛིན་བྱེད་དགོས་མོད།  མཁས་པར་རློམས་པའི་སྐྱེ་བོ་ཕལ་མོ་ཆེས་རང་ཉིད་དུལ་བར་རློམས་ཞིང་ཁས་ལེན་ལ།  གཞན་གྱི་ལྟ་བ་དང་རིགས་པ་དང༌།  སྤྱོད་ཚུལ་དང་།  ངང་ཚུལ་དག་ལ་སྡང་སྨྲས་འབའ་ཞིག་གིས།  མི་ཚེ་ཧྲིལ་པོའི་དུས་འདའ་བར་བྱེད་པ་ནི་ཤིན་ཏུ་མི་མཁས་ཤིང་ཡ་རབས་ཀྱི་སྤྱོད་ཚུལ་བློས་བཏང་བའི་མི་ཚེའི་བརྒྱུད་རིམ་ཞིག་རེད།

Continue reading »

Jul 22

དུས་འཁོར་དབང་ཆེན།

༧གོང་ས་ཐམས་ཅད་མཁྱེན་པས་ཨ་རིའི་རྒྱལ་ས་ཝ་ཤིང་དྲུང་གྲོང་ཁྱེར་དུ།     ཕྱི་ལོ་ ༢༠༡༡ ལོའི་ཟླ་ ༧ པའི་ཚེས་ ༡༣ ནས་ ༡༥ བར་དཔལ་མཆོག་དུས་ཀྱི་འཁོར་ལོའི་དབང་ཆེན་བྱིས་འཇུག་དབང་བདུན་དང་།   གོང་མ་གོང་ཆེན་དང་བཅས་པ་བསྩལ་གནང་མཛད་སྐབས། ཨེ་ཤ་ཡ་རང་དབང་རླུང་འཕྲིན་ཁང་གི་གསར་འགོད་པ།    སྟག་ལྷ་རྒྱལ་གྱིས་དུས་འཁོར་དབང་ཆེན་གྱི་སྐོར་ལ་བཅར་འདྲི་བྱས་པ་ཁག   ཉན་འདོད་ཡོད་མཁན་ཚོས་གཤམ་གྱི་འབྲེལ་ཐག་ཐོག་ཕེབས་ནས་ཉན་རོགས་གནོངས། དུམ་བུ་དང་པོ། དུམ་བུ་གཉིས་པ། དུམ་བུ་གསུམ་པ།

Jul 19

ང་དང་ཀླུ་སྨྱོན་ཧེ་རུ་ཀའི་གཏམ་རྒྱུད།

Lhunyon-Heruka

སློབ་དཔོན་འཇིགས་མེད་བློ་གྲོས་རྒྱལ་མཚན། གང་ལ་སེམས་ཀྱི་དམ་པ་རིན་ཆེན་དེ།། སྐྱེས་པ་དེ་ཡི་སྐུ་ལ་ཕྱག་འཚལ་ཞིང་།། གང་ལ་གནོད་པ་བྱས་ཀྱང་བདེ་འབྲེལ་བ།། བདེ་བའི་འབྱུང་གནས་དེ་ལ་སྐྱབས་སུ་མཆི།། ཕྱི་ལོ་༡༩༩༦ལོའི་ལོ་མཇུག་ཙམ་ལ་ཁོ་བོ་བོད་ནས་རྒྱ་གར་དུ་འབྱོར་རྗེས། རྒྱ་གར་ལྷོ་ཕྱོགས་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་དུ་ལོ་གཅིག་ཙམ་ལ་བསྡད་དེ། ཐེག་པ་ཆེན་པོའི་མན་ངག་གི་བསྟན་བཅོས་མདོ་སྡེ་རྒྱན་སོགས་ལ་མཉན་ཅིང་དེ་ནས་བལ་ཡུལ་དུ་ཕྱིན། དེ་རྗེས་ཡང་ཕྱིར་རྒྱ་གར་དུ་ཡོང་སྟེ་བཞུགས་སྒར་རྡ་རམ་ཕྱིན་ནས་ལོ་གང་མང་ཞིག་ཏུ་དེར་བསྡད། དེ་ཡང་རྒྱ་གར་དུ་སླེབས་པའི་ལོ་དེ་ཀའམ་ཡང་ན་དེའི་ཕྱི་ལོ་ཙམ་ནས་ཀླུ་སྨྱོན་ཧེ་རུ་ཀའི་མཚན་ཐོག་མར་གོ་ཞིང་། སྐབས་དེ་དག་ཏུ་ཧོར་གཙང་འཇིགས་མེད་དང་། ཀླུ་སྨྱོན་ཧེ་རུ་ཀ་གཉིས་ཀྱི་མཚན་སྙན་ང་ཚོ་བཙན་བྱོལ་བོད་མིའི་རྩོམ་པ་པོའི་སྤྱི་ཚོགས་ཆུང་ཆུང་དེའི་ནང་དུ་མ་ཤོངས་བའི་དཀའ་ངལ་དང་འཕྲད་ཀྱི་ཡོད།

Continue reading »